今年龍年真係好, 逗咗唔少利是 (不過俾哂媽咪收起哂, 話做我地嘅糧食基金喎!!!) 同食咗唔少平時無得食嘅嘢, 零食都食多過平時, 嘻嘻... 不過諗諗下, 我地呢幾日又要迎賓, 又要招呼客人同佢地玩, 都唔緊要, 重要扮玩到好開心等啲客人以為自己好受歡迎咁,所以 雖然好似食咗好多嘢咁, 不過我地三個尋日去美容嘅時候磅過, 一啲都無重到, 奶茶重要輕咗添呀!!! 唔緊要啦, 最重要係大家開心我地又有得食嘛....

雖然已經過咗大年初一, 不過有心唔怕遲, 十月都係拜年時!! 等我地三小花 - 咖啡, 奶茶同華田, 係度在此祝各位狗爸爸, 狗媽媽今年事事順利, 心想事成. 各位狗美女, 狗紳士開心快樂, 日日都玩得好開心, 扮得靚靚去街街啦!!!

當然仲有, 祝媽媽來年生意興隆, 賺多啲錢, 咁我哋就有多啲好野食, 有多啲靚靚衫著, 靚靚野用. YAY!!!!!